TUAIRISCEÁIN BHLIANTÚLA – BUAICPHOINTE DHEIREADH FÓMHAIR 

Cuideachtaí a bhfuil dáta tuairisceáin bhliantúil acu ar an 30 Meán Fómhair agus spriocdháta comhdaithe ar an 28 Deireadh Fómhair, iarrtar orthu an tuairisceán bliantúil a chomhdú in am, agus é a chomhdú ar líne mar an chéad rogha.

Má chuireann tú d'fhoirm B1 isteach ar líne beidh 28 lá eile agat ón dáta ar ar cuireadh isteach é chun do leathanach sínithe agus do chuid ráiteas airgeadais a sheachadadh ar an CRO. Gearrtar táille comhdaithe €20 ar r-B1.

Má dhéantar comhdú déanach ar thuairisceán bliantúil, cuirfear pionóis um chomhdú déanach ort agus, i gcás inarb infheidhme, caillfidh an chuideachta an teidlíocht maidir le díolúine ó iniúchadh a éileamh sa bhliain reatha agus sa bhliain ina dhiaidh sin. 

Má bhíonn deacrachtaí agat maidir le d'fhoirm a chomhdú ar líne, tá cabhair maidir le hábhar na foirme ar fáil ó:

Íosghlao 1890-252536*/059-9178981/ 01-8045394 nó eb1@dbei.gov.ie  

Tá cabhair maidir le gnóthaí teicniúla nó gnóthaí TF ar fáil ó:

01 8045377 / 01 8045355 nó electronic.filing@dbei.gov.ie  

* Tabhair faoi deara go bhféadfadh soláthraithe seirbhíse éagsúla rátaí éagsúla a ghearradh ar uimhreacha 1890 (Íosghlao). 

ATHRÚ AR SHORNAÍ BAINCÉIREACHTA DO SHEALBHÓIRÍ CUNTAIS CHUSTAIMÉIRÍ AN CRO

Chuir an CRO athrú ar chuntas glactha bainc an CRO in iúl do gach Sealbhóir Cuntais Custaiméirí le déanaí, lena n-áirítear sonraí maidir leis an gcuntas glactha úr.

Comhairlítear duit go mbeidh cuntas an CRO le Banc Uladh dúnta ón 30 Meán Fómhair 2017, agus ní gheofar ríomhaistrithe airgid (RAAnna) ar bith a lóisteálfar sa chuntas sin i ndiaidh an dáta sin, rud a d’fhéadfadh dul i gcion ar chumas na cuideachta táillí comhdaithe taiscthe a íoc ag an mbuaicam códaithe.

Má tá fiosrúcháin ar bith agat, nó más mian leat sonraí úra an chuntais bhainc a athdhearbhú, seol ríomhphost le do thoil chuig cro.customer.accounts@dbei.gov.ie 

FORMÁID NA gCLÁR COMHARDAITHE

Faoi Acht na gCuideachtaí 2014, arna leasú le hAcht na gCuideachtaí (Cuntasaíocht) 2017, i gcás go bhfuil Cuideachta ag éileamh díolúine iniúchóireachta ba cheart na ráiteas díolúine agus síniú na stiúrthóirí a léiriú go soiléir ar aghaidh an chláir chomhardaithe. Ba cheart faisnéis eile amhail na Nótaí leis na Ráitis Airgeadais a cheangal
leis an gClár Comhardaithe [A355(3) & (4) d’Acht na gCuideachtaí 2014, arna leasú le A53 d’Acht na gCuideachtaí (Cuntasaíocht) 2017) 

CUIRTEAR NA DOICIMÉID AR AIS CHUIG LÁITHREOIRÍ - AR MHODH LEICTREONACH AMHÁIN

Ba mhaith leis an CRO/Cláraitheoir a chur ar aird láithreoirí ó tugadh isteach an ríomhchomhdú éigeantach an 1 Meitheamh 2017 nach gcuirfear na tuairisceáin bhliantúla agus foirmeacha eile a chomhdaítear go leictreonach ar ais chuig an láithreoir lena gceartú ach ar mhodh leictreonach le ríomhphost. Ní chuirfear cóipeanna crua de na tuairisceáin bhliantúla agus foirmeacha eile amach sa phost.

Éilítear ar an láithreoir an B1, B2 agus B10 etc. a chur in eagar agus a chur isteach arís agus agus iad a chur isteach chuig an CRO/Cláraitheoir. Tabhair do d’aire le do thoil nach mór tuairisceáin bhliantúla a chur isteach arís laistigh de cheithre lá déag den dáta ar an litir a cuireadh ar ais sin nó measfar de réir an dlí go mbeidh siad mall.